Reino:Banconan Hulandes lo conseha consumidonan pa tin cen cash na cas pa motibo di menasanan geopolitico aumenta, segun e vocero di Asosacion di Banco Hulandes. Ta prome biaha cu banconan ta duna un conseho asina, companianan di seguro ta adverti tocante riesgo di ladronicia asocia cu esaki.
Minister di Defensa
Minister di defensa Ruben Brekelmans a bisa diadomingo ultimo den WNL diadomingo cu Hulanda mester prepara pa tur posibel senario di guera debi na e menasa Ruso. Tambe el a conseha pa semper tin poco placa cash na cas.
NVB no sa si hendenan a saca spaar extra caba. “Nos no tin bista riba esey. Pero si tur hende saca un tiki cen for di nan cuenta di spaar, lo bo no mira esaki bini bek mesora den cantidadnan grandi,” e bosero ta bisa.
E ta enfatisa cu banconan ta ‘hopi bon prepara’ pa tur tipo di menasa manera atakenan cibernetico, pa e spaarmento di e clientenan semper ta sigur. “Resiliensia sibernetico ta un prioridad prinsipal pa banconan pa añanan.
Aunke banconan lo conseha pa tene cen cash na cas como un preocupacion contra menasanan internacional, e asosacion Hulandes di Aseguradonan ta adverti, cen cash na cas ta un principio cubri pa bo seguro di contenido di cas, pero tin limitacionnnan.
