Diabierna prome cu 8’or anochi un persona atento na San Nicolas mirando den area di lama a capta dos luz cora y un luz blanco ta bulando hopi abou mes y despues a disparce. E persona a pasa man pa un verrekijker y mira cu ta un avioneta pero esaki a somenta.
A bati alarma di biaha na Polis cu lo tin algo pasando na e lama cabes di Aruba den Seroe Colorado. Di biaha a cuminsa despacha unidadnan policial, maritiem y kustwacht. Patruya di San Nicolas a topa cu hendenan bou di e baranca na unda e natural pool ta. Unda cu e lama ta dal na e barancanan area peligroso,e hendenan a cuminsa paga luz ora a mira polis. A topa cu un pickup tambe cu ta indica na autoridad cu tin persona den e area a logra topa cu tres homber y stranhero.
A haya un cabuya diki cu tabata sali for di lama. Debi na scuridad polis no por a saca afo si ta pa e posibel bulto ya cu e yamada tabata un avion abou y ta mustra cu porta un dropping a tuma luga. Kustwacht y maritiem su boto tabata riba lama y a controla full e area hunto cu e helicopter y avion di kustwacht cu a sali for di Curacao a yega Aruba di biaha. E tres personanan a keda deteni hiba warda pa averigua si nan ta documenta na Aruba.