KHAN SHAYKHUN, Siria – Avionnan di combate a ataca e pueblo Sirio Khan Shaykhun caminda cu mas durante siman, varios morto a cay door di un posibel atake di gasnan toxico. Segun e Observatorio Sirio pa Derechonan Humano, diasabra dos hende a keda herida. Durante e atake aereo un otro caminda den e provincia di Idlib diasabra, caminda cu 18 hende a fayece, entre nan cinco mucha.
Segun e organisacion, e balanse di e atake riba e pueblo, Urum al-Joz, ainda por aumenta, pasobra vrios hende a keda malamente herida. Tin decenas di herido. E bombardeo aparentemente a wordo efectua pa avionnan di e ehercito Ruso, cu ta sostene e Gobierno Sirio den e guera civil. Diamars den e provincia aki, e pueblo Khan Shaykhun tabata blanco di loke tabata un posibel atake kimico. Akinan por lo menos 87 civil a perde nan bida, entre cual 31 mucha.
Door di esaki e ehercito Mericano a dicidi di manda diahuebs anochi riba e ehercito di e Gobierno Sirio cu decenar di Tomahawk. Esaki ta pa prome biaha desde cu e guera civil Sirio a cuminsa, cu e Mericanonan a ataca directamente e ehercito di Gobierno Sirio. Durante e atake, mas of menos 9 persona a fayece. E blanco tabata e base di e ehercito na e ciudad Homs, pasobra eynan, segun avionnan Mericano, e armanan kimico lo tabata warda cu a wordo desplaca pa Idlib. Esaki ta e ultimo grupo di opositornan cu den noordwest di Siria. Idlib ta wordo bombardea regularmente door di e forsa aereo di e Gobierno y su socionan Ruso.
Rusia ta desmenti atake di gas toxico
E Minister Ruso di Asuntonan Exterior, Sergej Lavrov a yama su colega Mericano Rex Tillerson riba e situacion di Siria. Lavrov a bisa Tillerson cu un atake riba e pais cu ta bringa terorismo, ta duna extremistanan mas espacio. E ta ocasiona extra menasa na e siguridad y tambe na mundo, segun Lavrov. El a enfatisa cu e forsanan di combate Sirio no a uza armanan kimico y cu dia 4 di April tampoco nan a bula riba e provincia di Idlib. Rusia ta ilustra cu gas toxico a wordo uza door di Yihadistanan durante un atake aereo normal.
E minister Britanico di Asuntonan Exterior, Boris Johnson a cancela diasabra un bishita na Rusia, debi na e desaroyonan na Siria. Segun e minister, e situacion den e pais a cambia “fundamentalmente” despues di e atake di gas toxico y e reaccion Mericano. Johnson ta condela e sosten Ruso na e regimen di presidente Bashar Al-Assad, “hasta despues cu civilnan inocente ta wordo ataca door di armanan kimico.” Den e seis añanan durante e guera, mas of menos 400 mil hende a fayece. Mita di e poblacion di Siria ta refugiado.
Fuente: AD.nl