Trabaonan intenso a tuma luga na Departamento di Asuntonan Economico, pa asina bin cu e website y un logo nobo pa e departamento aki. Minister di Finanzas, Economia y Cultura, Sra. mr. Xiomara Ruiz- Maduro ta amplia mas ariba esaki.
Aña 2019 a cuminsa na indica cu bay dedica na tur locual ta economia di pais Aruba. Tin hopi proyectonan cu den e aña di transicion 2018 a wordo traha ariba dje y na 2019 ta mira lus di dia. E proyectonan aki, den e caso aki, caminda cu ta traha pa facilita locual ta bira e servicionan cu Departamento Economico ta duna. E website en cuestion ta pa bin yuda e parti akinan.
Mas cu claro, ta pone tambe cu por haci, desde dialuna, 4 di februari, e citanan cu ta wordo haci na Departamento Economico. Citanan cu ta haci pa haya permiso di negoshi, ta bay via e website www.deaci.aw , y eynan ta pidi e documentacion. Meta di esaki ta pa facilita e proceso, gobierno di Aruba, sigur den cuadro di innovacion ta bayendo den e e-government. Un di e puntonan caba, cuminsando caba pa agilisa e proceso y p’esey ta cuminsa ta na Departamento caminda cu e.o., ta haci bo cita, ta yena e peticion.
Ta tene cuenta si cu tin hende cu no tin acceso na computer, cu mester di asistencia. Y p’esey unicamente diaranson por bin na oficina di DAE, personalmente pa haya ayudo. E website a wordo traha cu formularionan special, e asina yama E-forms, caminda cu ta yena pa asina por procesa locual cu ta bira e peticionnan necesario. Banda di esaki, e website ta bay contene tambe locual ta e informacion di e canasta basico, cu a wordo amplia di 11 pa 22. Pueblo ta puntra cual ta e productonan y nan prijs. Banda di e app cu a wordo lansa aña pasa, awo ariba e website por haya informacion di e canasta basico.
Productonan cu no ta cay bou di control, eseynan ta wordo observa y pa facilita e consumidor, tin tambe locual ta yama e macuto di compras, unda cu tin 25 diferente producto, di 10 diferente supermercado cu ta wordo observa. Tur siman e informacion aki ta wordo haci publico, ariba e website di DAE y tambe medianan tradicional como tambe e Facebookpage di Departamento Economico. Asina por compara y sa unda ta mas barata pa asina por haya cumpra e productonan aki.
Prijs tambe di gasoline y diesel, eseynan tambe ta bira disponibel ariba e website aki. Mester bisa cu tur esaki ta wordo haci, dus e ta keda cu informacion al dia y lo tin un link na otro departamentonan, unda via link por haya otro informacion di website di otro departamento.
Esaki ta un comienso locual ta yama e e- government unda ta haci uzo di e digitalisacion, unda cu ta agilisa e proceso y pa asina e cliente no mester bin para den rij, of pa haci’e mas eficiente, dus e trabao cu tin cu tuma luga, cu tin cu tuma luga na DEHZI.
E website ta gelink na diferente otro website cu informacion di otro instancianan/stakeholders, pa di e manera aki haci e buskeda di cierto informacion mas facil.
Minister Ruiz-Maduro a informa cu e website nobo aki ta djis e inicio di e prome fase di e-government, e digitalisacion di servicio cu Gobierno kier bay, pa asina nos por brinda un servicio mas rapido y eficiente na nos comunidad.
E mandatario a termina yamando danki na tur e coleganan cu a traha duro riba e website y logo nobo. Alabes a felicita henter e Departamento di Asuntonan Economico tambe cu nan logo modernisa y website nobo.