Directiva Centro di Bario Tanki Leendert ta sumamente contento cu finalmente a tuma accion riba e dump ilegal cu tabata tin patras di e speeltuin di Centro di Bario. Sra. Ray Ann Hernandez, presidente di Centro di Bario Tanki Leendert, ta amplia mas.
E proceso aki a tuma luga despues di basta tempo. Tabata 3 siman pasa cu e Minister di Asuntonan Social, Sr. Glenbert Croes a haci un bishita na e centro, como cu Centronan di Bario ta cay bou di nan maneho. Despues di wak e situacion cu e dump ilegal di biaha a dicidi di tuma accion hunto Ministerio di Infrastructura y Medio Ambiente pa haci e sushedad limpi den forma inmediato.
Dos aña pasa nan a haya un calculacion unda cu tabata tin un sushedad cu lo yena 40 truck di sushi. Pero Bureau City Inspector a confirma cu nan a saca 54 truck di sushi y ainda tin mas. Asina ta wak tambe cu ta trata di un dump ilegal, cu’n cantidad di sushi asina substancial.
Finalmente Sra. Ray Ann Hernandez ta sumamente contento cu e trabou aki a wordo realisa. Awo tin un speeltuin unda e muchanan y henter famia por bin disfruta sin cu tin peliger di bestia of sushedad cerca. Nan a yega di haya bestianan manera scorpion, djaka, raton y ultimo tempo hasta boanan como tambe insectonan venenoso. E hecho cu a logra ruim op full e area sigur ta un stap padilanti hopi grandi pa Centro di Bario Tanki Leendert. Te asina leu, declaracionnan di Sra. Ray Anne Hernandez, presidente di Centro di Bario Tanki Leendert.