Porcentahe di graduadonan di Colegio EPI pa aña escolar 2019/2020

E diferente unidadnan di Colegio EPI ta honra di haci entrega di diploma na e graduadonan di e diferente programa di educacion den e dianan nos dilanti.
E resultado total di graduacion pa Colegio EPI ta 74% porciento y un total di 269 profesional cu diploma di MBO. Esaki ta un mehoracion significativo pa EPI compara cu aña escolar 2017-2018 (59%) y 2018-2019 (68%).

E resultado pa e diferente unidadnan ta como lo siguiente,
76 porciento na unidad Ciencia & Tecnologia,
87 porciento na unidad Economia,
68 porciento na unidad Hospitalidad & Turismo y
71 porciento na unidad Salubridad & Servicio.
Colegio EPI ta duna danki di curason na ful su korps pa e trabou increibel haci, vooral durante e ultimo 4 luna cu Aruba ta bibando den crisis. Di mes forma nos ta felicita tur graduado y ta desea nan hopi exito pa futuro!

Comments

comments