Un helicopter sigur ta yuda, vooral na ora di cu mester rescata hende. Pero esey a wordo kita den pasado, supuestamente pa motibonan economico, pero esaki tambe ta algo sigur. Pero esaki mester bin bek, pa yuda den combatimento di calamidad. Sr. Robert Candelaria, parlamentario di Partido AVP ta splica su banda di medaya.
Sr. Candelaria ta pro helicopter, pero loke e ta bisa cu ta 1 florin ta un biaha so por sak’e. E escogencia cu e minister lo mester haci ta, di wak si e florin ey ta miho gasta na un helicopter y no na mas personal of material. Motibo di esaki ta cu e inzet di un helicopter ta limita, limita na tempo, e planning di infrastructura rond di dje. Y e gastonan ta mas halto. Sr. Candelaria ta cuestiona si esaki ta e mas eficiente, mas sabi di gasta un florin. Den pasado el a haci e pregunta di cuanto atraco of casonan pisa, e helicopter a yuda resolve. Sa di casonan cu e helicopter a yuda resolve despues cu e caso a pasa. Sr. Candelaria ta sigui bisa cu e no ta contra, pero e ta pro mas instrumento na disposicion di polis pa haci Aruba mas sigur. Pero mester haci gastonan cu ta na beneficio di nos comunidad y nos Cuerpo Policial.
Mas aleu, Sr. Candelaria a sigui bisa cu si en caso cu no tin un helicopter, sigur drones ta mas factibel. Un drone di e nivel cu ta necesario pa Cuerpo Policial, por haci hopi cun’e. E placa cu ta wordo gespaar entre un drone y un helicopter, tin hopi otro cosnan tecnico, manera acceso na database cu ta duna informacion ariba caya cu ta haci trabao mas safe y eficiente, pa asina e tiki tempo cu e polis tin durante su ora di trabao, pa e tin e instrumento pa haci esaki eficiente.
t
Lo a scoge pa un solucion cu ta costa hopi placa pero su rendimento no ta dje halto ey, siendo cu tabata tin otro opcionnan cu ta saca mas tanto afo. Pero toch esaki ainda mester yega parlamento pa aprobacion. Pero Sr. Candelaria a haci un serie di pregunta tocante esaki. Pero den su caso, como parlamentario cu mester vota pa algo asina grandi, ta importante pa haci pregunta y haya e contestanan, pa asina ora tin un miho bista e ora e por bisa si e ta pro of contra, segun Sr. Robert Candelaria, parlamentario di AVP.
