Por spera basta awa e fin di siman aki debi na un ola tropical fuerte

Sr Dave Backmeyer encarga cu departamento di Meteo Aruba a informa di un ola tropical fuerte e sistema aki ta moviendo West entre 10 pa 15 nudo y e posibilidad den e proximo 48 ora a bira un tiki mas grandi y hurricane center a haci’e 60% y den proximo 5 dia e lo bira 80 pa 90 %. Esaki ta significa cu ora cu e yega parti central di Caribe y West di Caribe e por desaroya y bira un ciclon tropical den caso un depresion tropical. Sinembargo tin cu menciona cu e tempo cu ta rond di esaki tin paga tino pa e fin di siman e por produci awacero, lamper y strena. Potencial di awa por ta 25 pa 35 mm ta basta awa. Marduga por spera algo pa diasabra mainta y diadomingo tambe por sigui spera awa.

Rafaga di biento por ta basta 27 te cu 33 nudo. Y un advertencia pa esnan cu ta subi lama e fin di siman aki.

 

Comments

comments