Varios habitante di Parkietenbos decepciona den partidonan berde y geel. Durante bishita na habitantenan di Parkietenbos y becindario a resalta cu varios di nan ta hopi decepciona cu e hecho cu zowel partido berde como geel, den 16 aňa cu nan a goberna, no a sa di soluciona e molester di e dump na Parkietenbos. Varios promesa a wordo haci y experimentonan miyonario a tuma luga cu placa di Pueblo dor di gobiernonan di partidonan berde y geel, pero tur sin resultado concreto. Al contrario, e molester a empeora: 1. E cero di dump a bira mas grandi, ta leak likido toxico cu ta bay den awa y tera, y ta keda pega candela cada tanto tempo, 2. Tin molester di gasnan toxico cu ta afecta salud di habitantenan y ta tene nan cera den cas, y 3. Gobiernonan di berde y geel a laga traha y mantene un facilidad di purifica awa sushi cu a trece molester adicional di sonido y holo desagradabel, y cu cada tanto tempo ta bay over y ta yena caminda y cura di bisiňa cu awa sushi.
Un di e prioridadnan di partido POR den e proximo gobernacion ta soluciona e problematica di e dump na Parkietenbos. POR a fiha esaki den su programa di Gobernacion, Vision 17-21. Mirando e impacto grandi y negativo riba salud publico, medio ambiente y turismo, dentro di 100 dia cu POR asumi responsabilidad gubernamental lo bin cu un solucion definitivo pa dump na Parkietenbos, a base di principionan di reciclahe y uso di technologia moderno y eficiente. Hunto nos POR!