Riba e prome dia cu Toque De Queda a drenta atrobe na vigor, ya caba tabatin un incidente grandi.
Ta parce cu e problema a cuminsa na momento cu taxistanan na aeropuerto a haya problema pa motibo cu nan no por a sali cu pasahero di un avion cu a baha laat na Aruba.
E buelo aki mester a yega den oranan di atardi for di Colombia pero pa un motibo of otro a conoce “delay”. Esaki a causa cu el a yega rond di 11’or di anochi, hopi despues cu e Toque de Queda a drenta na vigor bek (10’or p.m.) y a lanta vuelo bek pa 12.35
Pa esnan cu a bay cu e vuelo no tabata problema pero si pa esnan cu a yega y cu mester subi caya pa yega nan cas. Ta parce cu a trata di prohibi taxistanan subi caya pa cual a surgi problema y mester a yama polis. Hasta a papia di detene si nan subi caya. Hasta mester a busca autoridad di mas halto pa interveni den e asunto aki.
Finalmente e taxistanan por a hiba e pasaheronan unda nan ta keda.