Departamento di Impuesto kier a informa su clientenan cu a haci pago di impuesto di vehiculo di motor online, cu nan por pasa busca e sticker na Camacuri despues di 10 dia di trabou.
Normalmente Departamento di Impuesto ta mantene 5 dia di trabou, pero debi na e volumen grandi di pagonan online en conexion cu e deadline di un paar di dia pasa, ta tuma nos algun dia extra prome cu por entrega e sticker y recibo.
Ta bon pa remarca cu na momento cu drenta un pago online, Departamento di Impuesto mester controla prome si e cliente a paga e periodonan anterior. Si e cliente ta “up to date” cu su pagonan, e ora lo procesa e pago riba e periodo actual pa por registra e sticker y procesa e recibo.
Si e cliente tin debe atrasa Departamento di Impuesto ta procesa e pago riba e periodo(nan) anterior prome.
Departamento di Impuesto ta spera di por a informa debidamente y ta agradecido pa e comprension.