Comunidad ta preocupa cu CAft, ya cu si esaki no a funciona den e gobernacion anterior, ta duda cu e lo funciona cu e gobierno aki. Minsiter di Financien, mr. Xiomara Ruiz- Maduro ta splica.
E supervision financiero ta bin door di mal maneho, cu no tabata sa con pa anda cu e responsabildiad di con pa guia un pais, ta hiba nos na un situacion caminda cu Reino ta cay aden. Gobierno (saliente) a haci y deshaci pa hiba Aruba na un supervision financiero. Den oposicion a mustra di ta contra cu gobierno di propio pais Aruba a hiba Aruba riba su rudia, cu’n supervision financiero asina aki. E realidad ta cu e supervision aki t’ey. E realidad aki ta, cu bou di e supervision aki, enbes a spera cu e debe lo no sigui crece, el a sigui crece. Ora a kere cu e supervision financiero aki a bin y a stop di malgasta placa, CAft no ta worry kico gobierno haci, basta cu e cumpli cu e norma.
Door cu a bin cu normanan, cu e manera IMF mes a bisa, tabata ‘doomed’ pa fracasa, nan a bin cu cosnan lihe, esaki den practica no a traha, cua pone cu e gobierno ey, cu a abusa di e fondonan financiero, a redobla e debe di e pais, haciendo trikinan pa cumpli cu normanan.
Aruba como pais, ora cu kier yega, e realidad ta cu e debe ta na 90%. Esey ta pone cu no tin credibilidad financiero. Y esaki ta mal mira den cerca inversionistanan, pero Aruba tin mester di placa di inversionista. P’esey e prome pregunta cu ta haya na mesa ta, con e relacion ta cu Hulanda. Tur loke e ex prome minister a haci a bay rond mundo y inversionistanan a wak esaki, sin imagina e daño haci na e credibilidad di nos pais.
Pa loke ta e protocol cu Hulanda y nan sa cu CAft su rol ta pa wak kico ta pasa ariba su parti financiero, e ta conseha e Rijksministerraad. Y ora Aruba mester subi ariba mercado internacional (Wallstreet) pa haci inversionnan, Aruba mester wordo autorisa pa Conseho di Minister di Reino. Y nan ta wordo conseha door di CAft. Y esey ta e motibo dicon ainda tin un CAFt, ta cana rond na Aruba, debi na e mal maneho financiero, Aruba tin un supervision financiero y e hecho aki cu ta forma parti di Reino Hulandes, ta loke ta dunando Aruba credibilidad apesar di un debt GDP di 90%, pa cual e supervision financiero ta wordo tolera.
Aruba ainda no tin e credibilidad financiero ainda, cu e por bisa di leumay CAft y Reino. Y esaki no ta bay asina. Esey tur hende sa, di kico ta opinion di gobierno tocante e supervision financiero. Y di otro banda sa miho tambe, cu hopi, di e responsabilidad financiero di 90% debt GDP. Esey ta pone cu como pais mester traha pa por yega na credibilidad.
Den cuadro aki negociacionnan ta sigui cu Hulanda, y cu ta durando hopi. Pero segun e mandatario, Hulanda di su banda tambe a mira cu e gobierno aki, cu of sin protocol a sa di tuma e pasonan cu un pais, cu tin respet pa su mesun gobierno y respet pa su mes. E respet pa e pueblo, a tuma e pasonan cu tin cu wordo tuma pa drecha e situacion aki na un manera responsabel. E gobierno aki sa tambe, kico ta e importancia di tin inversionista, un apertura riba e mercado internacional, nan sa con esaki ta hinca den otro y p’esey mas cu claro, ta busca un manera di responsabilidad di trata cu actornan di e apertura. Y pa loke ta e Conseho di Minister di Reino ta hunga un rol importante, como tambe CAft.