BIRMANIA – Un potente teremoto di magnitud 6.8 cu a sacudi diaranson e centro di Birmania, a provoca por lomenos tres morto y daño na varios di e famoso pagodanan di Bagan, e gran sitio turistico di e pais, autoridadnan local a anuncia.
Un mucha di 7 aña y un adolescente di 15 a murid en e regio di Magway, unda a sosode e teremoto violento, e ministerio di informacion Birmano a anuncia.
Y un homber di 22 aña di edad, a resulta morto pa derumbe di un cas den e localidad chikito di Pakokku, den e mesun region, segun Han Zan Win, diputado di e Parlamento regional a declara na AFP, kende tabata den e zona mas afecta pa e teremoto.
Un turista Spaño a resulta levemente herida ora cu el a sufri un caida despues cu el a bishita Bagan, polis Birmano a precisa.
“Un sesenta pagoda a resulta daña, algun seriamente, na Bagan,” e luga arkeologico mas celebre di e pais, su responsabel, Aung Kyaw a indica.
E teremoto, di un magnitud di 6.8, segun e instituto Mericano di Geologia, a produci den oranan di atardi, o sea, riba e final di e hornada na Birmania, ora cu a acudi na e luga, un cantidd di turista pa observa e bahamento di solo riba e pagodanan.
Su epicentro a wordo localida na Chauk, un ciudad chikito di e region di Magway den centro di e pais, ubica mas of menos 30 kilometer for di Bagan. E hipocentro a wordo detecta 84 kilometer di profundidad.
E teremoto a haci cu e edificionan su Rangun a tembla, cual ta e capital economico Birmano y a sinti’e inclusive den e capital Tailandes, Bangkok y tambe na Calcuta (India) y na Bangladesh.
Fuente: NTN24
- Latest
- Trending
