SALVADOR, Brasil – Por lo menos nuebe persona a muri diahuebs y otro 14 a resulta herida den un incendio provoca pa un explosion di gas den interior di un botica den e stado di Bahia, noordoost di Brasil, fuentenan oficial a informa.
E incendio a tuma luga den un botica popular den un caya central di Camacari, municipio den e region metropolitano di e ciudad di Salvador, capital regional, segun un comunicado di e Alcaldia di dicho localidad, cu a decreta shete dia di luto oficial.
E explosion a wordo “probablemente” provoca pa un leak di gas cu a infiltra den e botica, unda cu tabata tumando luga algun trabao di mantencion, Cuerpo di bombero a apunta.
“Obviamente esaki por a sosode pa un escape di gas. Den e trabaonan tabata tuma luga servicio di welder,” un vocero di Cuerpo di Bombero a apunta, cita pa prensa local.
Den e labornan di extincion di e candela a aprticipa ademas agentenan di Defensa Civil y Transito, mientras cu funcionarionan di e Secretaria Municipal di Salud, a presta asistencia sanitario na e heridonan, cualnan a wordo hiba pa e hospitalnan mas proximo, Alcaldia a agrega.
E Superintendencia Regional di Trabao di Bahia, a señala den un comunicado cu un ekipo di auditornan fiscal a analisa e causanan di e accidente y no ta descarta cu e explosion lo a tuma luga pa un cylinder di gas cu tabata den interior di e botica, hipotesis cu algun testigo visual ta defende.
Fuente: NTN24