SAN FRANCISCO, California – Por lo menos nuebe persona a muri den un candela den un club nocturno cerca di San Francisco, California, autoridadnan a bisa.
Otro 13 persona ta desapareci. E candela a cuminsa diabierna pa 11’or y mey di anochi ora local na Oadkland, ora cu tabata realisa un concierto di e grupo electronico Golden Donna.
Un canal local di TV a reporta cu mas of menos 50 perosna tabata den e edificio.
Segun cu el a trascende, no tabata trata di un sala caminda cu ta organisa conciertonan regularmente, sino di un edificio cu ta alberga studionan di artista.
Un di e residentenan, e fotografo Bob Mule, a bisa e corant local East Bay Times, cu el a purba di yuda un amigo scapa, pero e no a logra.
“Mi a sinti mi cuero ta kita for di mi curpa y mi pulmonnan sofoca pa e huma,” el a relata.
“Mi no por a traha cu e blusaparaat,” Mule a agrega.
Hefe di e brigada di bombero, Teresa Deloach-Read, a indica cu e luga no tabata tin blusaparaat den uzo.
Videonan publica riba rednan social pa e mesun bomberonan tabata mustra un columna largo di huma saliendo for di dak di e edificio. Tres truck a yega na e luga pa lucha contra e vlamnan.
Riba Facebook, e concierto a wordo promociona como un show di shete banda cu lo tabata tuma luga den un “luga secreto” oost di Oakland y e detayenan di e ubicacion a wordo revela e mesun dia.
Fuente: BBC mundo