LONDON, Inglatera – Por lo menos cinco persona a muri y mas di 50 a resulta herida ora cu diaranson un trein den e tunel di Croydon, zuid di London a accidenta, polis Britanico a anuncia.
“Nos por confirma morto di cinco persona. Mas di cincuenta a wordo hospitalisa,” polis a añadi, kendenan a anuncia cu nan a detene un persona “relaciona cu e incidente.” Segun medionan Britanico, e detenido ta conductor di e trein.
E accidente a tuma luga pa 6’or y 10 di mainta, ora cu e trein a sali for di su spoor y a kentel.
“Nos agentenan ta sigui traha na e luga di e hechonan y e oficina di invetigacion riba accidentenan di trein lo purba di analisa e causanan di e accidente,” polis a indica.
Fuente: NTN 24