Tabatin hopi accion pasando na Centro di Bario Lago Heights. Sanju Luydens CMO Aruba Tourism Authority (ATA), a splica cu nan tabata cu un compania cu a bin di Merca pa loke nan ta yama “Incentive Travel”. Esaki tabata un oportunidad cu nan a tuma pa haci algo pa comunidad, esta duna bek como turista/bishitante, nan ta bin Aruba y ta scoge un causa.
E turistanan aki a recore e isla hunto cu Cede Aruba y a scoge Centro di Bario Lago Heights, como nan proyecto pa duna bek.
Durante fin di siman tabatin por lo menos 80 boluntario cu a sa di reuni pa haci limpi, verf, set up e basketball court y tambe bezig cu varios otro actividad p’e muchanan di e bario aki cu por tuma probecho di dje y cu nan por yega e Centro di Bario pa por disfruta di dje.
Luydens a comenta cu esaki ta un oportunidad cu ATA, hunto cu Aruba Convention Bureau ta trahando riba dje pa traha hunto cu e companianan cu ta desea di haci algo pa comunidad, cu ta facilita esey pa nan tambe. Esaki ta un manera pa conecta turismo cu nos comunidad, el a bisa por ultimo.
