CAPHIRIDZANGE, Mozambique – Por lo menos 73 persona a muri diahuebs y cerca di un centenar a resulta herida debi na un explosion di un truck carga cu gasolin den e ciudad di Caphiridzange, fuentenan di servicio di emergencia a informa.
E suceso a tuma luga banda di 3’or di atardi ora local, ora cu un conductor di e truck cu tabata direccion pa Malawi, a desvia di su ruta y a para na e localidad aki pa bende gasolin di forma clandestino.
E vehiculo a cende candela pa causanan cu ainda no a wordo aclarea ora cu tabata tin mas di shen hende rond di dje y a explota matando 43 di nan.
Por lo menos otro 30 mas a perde nan bida posteriormente na e hospital di e provincia di Tete, debi na e gravedad di nan kemaduranan y ta teme cu e cantidad di fayecido por aumenta den e proximo oranan.
E ehercito a wordo mobilisa pa atende y traslada e victimanan di e suceso, hopi di nan menor di edad, na e centro hospitalario.
E benta ilegal di combustibel cu ta wordo transporta pa e trucknan ta un practica comun den e poblacionnan cu tin riba e ruta cu ta uni Mozambique y Malawi.
Fuente: NTN24