Diabierna mainta personalnan di Guarda Nos Costa a rondona Acqua Condominium pa un control y manera e trahadonan cu ta haciendo e trabou di construccion a mira e personalnan a cuminsa core pa sconde. Di biaha e personalnan di GNC a drenta accion y a logra gara e prome grupo di por lo menos 15 hende pa despues gara un otro grupo di 17 persona. Cu ayudo di dog catcher di Polis a logra transporta e sospechosonan pa e oficina di GNC. A constata cu e personanan aki tin permiso como turista y e luga ta tumanan den servicio asina mes pa traha sin tin permiso pa traha na Aruba.