BOGOTA, Colombia – Bogota ta purba di repone dialuna tras awaseronan fuerte cu diadomingo atardi a afecta varios sector di e ciudad. Ta calcula cu por lo menos 29 mil persona manece sin servicio electrico como consecuencia di e awasero.
Di acuerdo cu e organismonan di riesgo, cu e diadomingo aki aki trabaonan pa purba di supera e emergencia a intensifica, cual a wordo inaugura dia 22 di Maart ultimo – e awanan a alcansa casi e meter di haltura, lagando por lo menos un auto atrapa y afectando e mobilidad.
Segun e Administracion Distrital, e contingencia a wordo causa pa “un eror humano”, dado cu e contratista responsabel no a opera na tempo e makinaria cu a evita e problema. Pa esaki, e Instituto di Desaroyo Urbano, lo haci efectivo e polisanan di cumplimento pa e eror di e contratista.
“Nos tabata tin awaseronan hopi intenso. Nos ta registra 36 milimeter di awasero den 40 minuut, esey ta un intensidad hopi halto, casi un tercio di loke a yobe den e luna di April. Esaki a ocasiona plas den varios punto, problemanan vial y afectacionnan den fundeshi di edificacionnan,” Richard Vargas, director di e Instituto Distrital di Gestion di Riesgo y Cambio Climatico, a splica.
Fuente: http://www.elespectador.com