DIJON, Francia – Un potente explosion, parce causa pa un persona cu a purba di suicida inhalando gas, el a laga diabierna mas of menos 20 herido entre nan dos di gravedad, den un edificio di e ciudad Frances di Dijon.
E explosion a tuma luga pa 9’or y mey di mainta den un edificio di mas of menos 20 apartamento den e ciudad oost di Francia.
Socoristanan, cu ayudo di cachonan entrena, ta sigui buscando durante e prome oranan di atardi pa posibel victimanan entre e ruinanan di e edificio di vivienda cu a cay den otro parcialmente.
E balanse provicional ta di 20 herido, dos di nan den estado critico, 12 herido leve y seis persona den estado di shock, Pauline Jouan, un funcionario local a indica.
E explosion lo a wordo provoca pa un habitante di e edificio cu a purba di suicida door di inhala gas, e fiscal di Dijon, Marie-Christine Tarrare a indica, kende a exclui cu por trata di un atentado terorista. E hipotesis aki a wordo corobora pa algun bisiña.
Walid Ben Habib, un mucha homber di 19 aña, kende ta biba den e edificio dilanti, a bisa cu ta trata di “un homber di mas of menos 50 of 60 aña di edd cu tabata deprimi pa un pena di amor.”
“Mi a scucha un fuerte explosion pa 9’or y mey di mainta, cual a lantami. Mi a habri di biaha e bentana pa mira loke tabata pasando, ora cu mi a wak e edificio dilanti cu tabata cayendo den otro y hendenan tabata grita,” e studiante consterna a conta.
Mas of menos un sesenta bombero y un kincena di socoristanan medico a wordo manda na e luga di e explosion.
Fuente: NTN24