ST. PETERSBURG, Rusia – Un explosion cu a sosoden den e metro di e ciudad Ryuso di St. Petersburg, a laga te na e momento 10 morto, decenas di herido y a obliga na evacua dos di su stacionnan, autoridadnan local a informa dialuna.
Parce cu e explosion a tuma luga entre dos stacion, prome cu e salida di un di e treinnan di e metropolitano di e antiguo capital tsarista, loke a causa un gran huma y a obliga cu un gran cantidad di pasahero a evacua.
“Segun informacionnan preliminar, dies persona a fayece y 20 a resulta herida, den su mayoria,” un fuente oficial a bisa na agencianan Ruso.
Parce cu e explosion a tuma luga entre dos stacion di e liña blauw, “Sennaya Ploschad” y “Tejnologuicheski,” prome cu e salida di un di e treinnan di e metropolitano di e antiguo capital tsarista.
E explosion a causa un huma gigantesco, loke a obliga un gran cantidad di pasahero na evacua, segun e administracion di e metro a informa.
“E explosion den e metro di San Petersburg a perpetra un terorista suicida. E artefacto casero siguramente a wordo poni den e wagon prome cu el a sali,” e fuente a apunta.
E hefe di e comite di Defensa y Siguridad di e Senado Ruso, Victor Ozerov, a bisa cu “por supuesto, ta duna tur indicacion di un atentado terorista.”
Kremlin a informa cu e presidente Ruso, Vladimir Putin, kende tabata participa na un forum di medionan di comunicacion na Moscu, ta na altura di loke a pasa.
Autoridadnan di Moscu a dicidi reforsa e medidanan di siguridad den e metro di e capital Ruso, cu tabata obheto na 2010 di dos atentado suicida cu a laga mas di trinta morto.
Usuarionan di rednan social a publica varios video y potret cu ta mustra e magnitud di e detonacionnan, cual origen, te na e momento ta desconoci.
Fuente: NTN24