SANTANDER, Colombia – Un grave accidente di transito, cu a laga preliminarmente 10 victima mortal, a keda registra durante e mainta di diamars riba e vianan di e departamento di Santander. E hecho a keda registra na altura di e municipio di Barrancabermeja, unda un vehiculo di transporte intermunicipal a dal frontal contra un truck tipo “niñera.”
Segun autoridadnan, e accidente a tuma luga pa 9’or y 15 di mainta den e sector di e vereda Le Lejia di e via Panamericana. Den e bus envolvi – perteneciente na e empresa Contransmagdalena – tabata mobilisa 16 persona, algun di cual a keda atrapa entre e latanan e automotor producto di e fuerte accidente. Preliminarmente, seis pasahero a keda herida.
Pa cuenta di e hecho, e via a keda cera, mientras cu organismonan di atencion di emergencia a delanta e traslado di e heridonan na centronan asistencial di Barrancabermeja. Ta conoci cu e vehiculo di transporte intermunicipal tabata cubri e ruta Cimitarra-Bucaramanga.
Atrabes di su cuenta riba Twitter, e viceminister di Transporte, Alejandro Maya, a lamenta e hechonan y a anuncia cu e lo bay na e luga di e accidente pa evalua loke a sosode y purba di determina e causanan di e accidente.
Fuente: www.elespectador.com