BUENOS AIRES, Argentina- E imagen positive di e presidente Argentino, Mauricio Macri, a cay na menos di 40% . E mayoria di e ciudadanonan ta rechasa e intervencion di e Fondo Monetario Internacional (FMI). Tambe nan ta wak cu pesimismo e future, segun un sondeo di e opinion divulga diadomingo.
E encuesta di e Centro di Estudio di Opinion Publico (CEOP) a revela cu solamente 37.7% di e encuestanan tin un imagen positive di Macri y un 62.7% negativo. E encuesta aki ta bin seis luna despues di cu e coalicion gobierno Cambiemos a gana e eleccionnan legislativo.
E opinion negative mas halto y positive mas abao di e imagen di e president Argentino a cuminsa desde cu el a cuminsa su mandato na December 2015. Esaki segun e sondeo di CEOP a realisa entre un miyard di persona den henter e pais, publica pa e corante Pagina 12.
E 76.9 % a considera negative e decision inespera di gobierno di recurri na FMI pa obtene un credito nobo ‘stand-by’ mei mei di presionnan cambiario. Solamente 20.9% a aproba e salida aki.
Mei mei di presionnan cambiario, e moneda Argentino a devalue mas di 10% pa loke ta luna di mei. A pesar di cu Banco Central a bende mas di 8 biyon dollar, el a hisa e tasa di interes na 40%, segun e agencia di noticia AFP a informa.
Fuente: NTN24