WASHINGTON, D.C., Merca- Solamente tres di cada diez catolico Mericano na edad adulto ta considera cu e pontifice ta realisando un trabao “faborabel” of hopi “faborabel” relaciona cu e cuestion aki.
E popularidad di Papa Fransisco a cay na su punto mas abao na Merca debi na su gestion di scandal di abusonan sexual den Iglesia Catolico, segun datonan ofreci den un articulo publica diamars pa e Centro di Investigacionnan Pew, cu sede na Washington.
Segun nan, solamente tres di cada diez catolico Mericano na edad adulto ta considera cu e Pontifice ta realisando un “trabao faborabel” of “hopi faborabel” relaciona cu e cuestion aki. Di e manera aki, su imagen positivo a cay un 14% desde januari y un 24% desde februari di 2015, incluso entre esunnan cu ta bay misa tur siman.
Di mes manera, seis di cada diez persona consulta ta considera di “pober” e actuacion di e papa door di e scandalnan sexual cu menornan di parti di religiosonan, cifra cu a redobla desde comienso di aña y a triplifica relaciona cu e datonan di tres aña pasa.
E cifranan reciente ta e resultado di un encuesta realisa luna pasa na september pa e Centro di Investigacion Pew, unda cu un total di 1754 persona, di cual rond di 20% ta catolico. Ta sali di e punto di bista cu e poblacion Mericano ta mantene un opinion faborabel di e pontifice, siendo esaki e pio resultado cu a haya den e nuebe encuestanan realisa pa ocho organisamo riba su persona desde cu el a asumi e cargo na 2013.
Asina tameb, e papa Argentino tin actualmente un popularidad mas abao di e di su predecesor, Benedicto XVI, na 2013, y ta hopi mas abao di e apoyo cu Juan Pablo II tabata conta. E datonan aki ta un ehempel mas di e scandalnan sexual den seno di iglesia Catolico ta afectando di manera considerabel e bon imagen di cual Fransisco tabata goza na comienso di su pontificado.