POP- FEST ta e oportunidad pa e hoben bin demostra nan talentonan

Den un ambiente hopi ameno a tuma luga den The Old Cunucu House Restaurant na Palm Beach e conferencia di prensa yama pa Fundacion ARTISTAR.

Fundacion Artistanan cu Amor pa Arte ta cla pa e siguiente festival POP-Fest dunando oportunidad pa nos hobennan resalta na

Dia 10 di augustus, fundacion Artistar ta bay tin un evento den Excess Ballroom na Paseo Herencia, cuminsando pa 7’or y cabando pa 10’or di anochi. Esaki ta un actividad p’asina duna e hobennan e oportunidad pa demostra nan talento.

Esaki lo bira un evento unico unda cu lo bay tin 3 categoria di participacion:
E prome categoria lo ta entre 10/13 aña, di dos categoria ta entre 14/17 aña y e di tres categoria entre 18/25 aña.
Cancionnan di diferente genero musical lo bay ta resona den e voz di tur e participantenan di e anochi aki, den Paseo Herencia.
Meta di e Pos Fest aki ta pa duna e ganadonan un oportunidad pa sigui engrandece nan talento musical, engrandece e cultura di canto. POP- FEST lo contribui tambe den e siguiente Festi-Mex pa dia 30 di augustus cu Mariachi Perla di Aruba.
Pa inscribi pa e POP-FEST por tuma contacto na 568-6318 of via email na [email protected]
Entrada ta 15 florin y lo ta disponibel na final di e siman aki y na luganan caminda cu e hobennan ta frecuenta constantemente. Ta bay tin sigur na Ritz, tanto na Boulevard como Savaneta. Tabata tin ultimo na Boutique Keyla na Paradera. Eynan semper nos hendenan ta yega y ta central pa Paradera. Otro luganan unda ticketnan ta bay ta disponibel ta Santa Cruz Bar & Restaurant y na Dilailah Beauty Clinic na Noord.

Comments

comments