E organisacion di “Youth Baseball” den nomber di PONY League kier a anuncia na e pueblo di Aruba cu e RIFA di Auto a bira dia 28 di juni 2017 na Apertura di Serie del Caribe cual lo tuma lugar na Aruba e anja aki den 2 diferente categoria. E categorianan lo ta Mustang 9-10 anja y Colt cu ta 15-16 anja.
E rifa di auto aki ta un fundraising event pa asina e fundacion recauda fondonan pa sigi inverti den nos juventud cu ta hungando Baseball. PONY Baseball ta organisa campeonatonan di baseball pa tur mucha na Aruba, cuminsando di edad 5 te cu 16 anja. Nos mester di e sosten financiero pa asina sigi combati criminalidad usando e deporte di baseball como formacion di nos juventud.
Baseball a bira un deporte hopi gusta den e juventud di Aruba.