Gobierno no a hinca e placa di refineria den e presupuesto 2019. Pero e dos presupuestonan anterior, si tabata tin esaki inclui. Sr. Ben Marapin, economista, cu e relato.
Segun Sr. Marapin, si a wak e contract mes, lo mester puntra e pakico a firma un cos asina. Y for di e prome dia, nan no a paga niun cen di e 18 miyon florin cu nan mester paga. Niun momento CITGO a haci un pago, y e ora mester puntra e pakico ta hinca CITGO den presupuesto. Y esey ta un manera di boost e presupuesto, mustr’e cu e ta mas bunita., un asina yama ‘creative budgeting’. Teoreticamente por planea hopi, pone entradanan ficticio pero cu no ta realistico.
Ta p’esey den pasado por weita cu e presupuestonan no tabata uno cu tabata realistico y no pasobra cu a bin durante e añanan cu despues di entrega di presupuesto, ta bin desaroyonan negativo. Pero esakinan por a wordo anticipa. Si uza e palabra ‘maniobra politico’, ta prefera di uza ‘creative budgeting’, cu ta trece su consecuencia. A gasta e placa, sin cu tin e entrada, ta pone cu tin cu bay fia placa riba mercado internacional. Y esey ta e consecuencia cu e pueblo tin cu paga pe, cual a conduci na e crisisheffing actual.
Sr. Marapin a remarca cu ta spera cu e gobierno actual, enberdad cumisna tackle e problemanan di finansas publico. Ta trahando pa para e sangramento, pero e siguiente stap mester ta pa reduci e deficit mas pronto posibel, pa asina cuminsa baha e debe, pa asina haya placa sigur ariba interes cu por wordo uza pa otro cos.