Departamento di Obra Publico ta informa pueblo di Aruba en general y specialmente nos automobilistanan tocante e ponemento di 2 Verkeersplateau riba Vondellaan na haltura di Colegio Arubano cu mester tuma luga diaranson 26 y diahuebs 27 di October 2016.
Trafico biniendo di Verbindingsweg pa Cas di Cultura lo desvia via George Madurostraat direccion Bibliotheek djey pa Adriaan Lacle Boulevard sigui via Smith Blvd bay Cas di Cultura.
Trafico biniendo di Cas di Cultura pa Verbindingsweg lo desvia via Beatrixstraat (patras di Talk of the Town) Adriaan Lacle Boulevard, djey pa George Madurostraat y finalmente pa Vondellaan.
Of desde Cas di Cultura desvia na William Shakespearestraat, Beatrixstraat, Adriaan Lacle Blvd y pa George Madurostraat y finalmente atrobe na Vondellaan.
Rutanan alternativa lo ta indica cu baricada y borchinan di aviso.
E trabou lo cuminsa 7’or di anochi y ta programa pa caba 3’or di marduga riba ambos anochi.
Ta pidi tur automobilista, negoshi y otro usuario pa tene cuenta cu e inconveniencianan cu lo por surgi pa cual nos ta pidi nos disculpa.