Departamento di Obra Publico ta informa cu diadoming awor 16 di October 2016 Philips lo continua cu e trabou di ponemento di e armatura di iluminacion riba palonan di luz riba LG Smith Blvd den Paardenbaai Plaza. Relaciona cu e trabou lo cera, parcialmente, e caminda di LG Smith blvd for di e turbo rotonde di Wendy’s te cu Westraat.
E caminda lo ta cera for di 7:00’or di mainta te cu 4:00’or di atardi
Lo cera e caminda menciona parcialmente pa tur trafico y lo indica e ceramento di e caminda cu borchi y heki di trafico.
En conexion cu esaki Departamento di Obra Publico ta haci un peticion na tur manehador di auto pa evita di haci uzo di e caretera si no ta pa bo yega bo negoshi of trabou.
DOW ta pidi comprension y disculpa pa cualkier inconveniencia cu e trabou por ocasiona.