JERUZALEM, Israel- Israel a mustra su firme rechaso ante un polemico proyecto di ley planea pa Polonia. E ley ta pretende di tipifica como delito e hecho di culpa e Polaconan di e horornan di Holocausto, cual lo por wordo castiga cu tres aña di prizon.
E iniciativa, cu a wordo aproba pa Parlamento di Polonia na vispera di e Dia Internacional di Conmemoracion na Memoria di e Victimanan di Holocausto, ta pretende di prohibi e mencion di camponan di exterminio na Polonia, ocupa pa e Nazinan durante e di Dos Guera Mundial, como “polaco”.
Funcionarionan Israeli ta sostene cu e ley aki lo limita e discusion riba e participacion na Polonia den e Holocausto. Ministerio di Asuntonan Exterior di Israel a convoca e number dos di e Embahada Polaco na Israel, Piotr Kolowski, pa expresa su rechaso na e proyecto di ley y a exigi pa esaki wordo revisa. Prome Minister Israeli, Benjamín Netanyahu, a afirma den un comunicado cu e ta “opone su mes firmemente” na e iniciativa, bisando cu no por cambia historia y no por nenga Holocausto.
Fuente: https://actualidad.rt.com