BUENOS AIRES, Argentina – Un hoben di 13 aña a fayece durante un intento di hortamento dialuna anochi den e ciudad Saenz Peña, provincia di Chaco (Argentina). E tragedia a tuma luga despues di enfrentamentonan entre polis y un grupo di 50 persona cu tabata pretende di horta articulonan for di un supermercado.
E victima fatal tabata yama Ismael Ramirez cu a muri door di un impacto di bala di rubber, tira pa autoridadnan. E hoben a wordo atendi na hospital pero no por a haci nada mas pa scapa e criatura.
E tension a cuminsa ora cu ciudadanonan tabata purba kibra e porta di e luga, pero e doño a avisa autoridadnan y esakinan a yega na e zona di conflicto. Asina tambe, polisnan a actua pa purba controla e situacion.
Gobernador provincial, Domingo Peppo, a bisa cu operativonan di siguridad lo wordo intensifica den e zona.