E Mobiele Eenheid ta consisti di polisnan uniforma di diferente disciplina, e.o. Recherche Afdeling, Departamento Uniforma etc. Esaki ta e team cu a bay St. Maarten aña pasa pa bay duna apoyo pa mantene orden publico. Alto Comisario Interino, Sr. Andrew Hoo, ta amplia.
Cuerpo Policial di Aruba a manda mas o menos 30 polis pa St. Maarten. E polsinan aki a pasa den hopi duro, no tin coriente, ni awa. No tabata tin nada di comodidad.
Ta na su luga pa aprecia y e polisnan a bay di manera boluntario, apart di nan trabao. Y e ministernan, tanto di Aruba como di St. Maarten a aprecia esey. Y esey ta elogio cu nan a ricibi di gobierno di St. Maarten.
Sr. Hoo a splica cu tur polis ta haya e basico di Mobiele Eenheid. Y esun cu kier sigui den e unidad aki, por sigui desaroya den esaki.
E team di Mobiele Eenheid cu a ricibi reconocimento ta un ekipo multidisciplinario y awo nan ta aportando na e unidad di Guarda Nos Costa. Sr. Hoo tin un aprecio pa tur su coleganan cu tur dia ta poniendo nan bida nan peliger pa cuida e pueblo di Aruba pa cual el a yama su coleganan ‘Danki’.