Polisnan ta frustra intento di atraco

Central di Polis ta dirigi un patruya pa un cas no habita banda di Citgo San Nicolas, unda cu 4 homber cu muts bisti tabata cla pa horta dicho establecimento despues di cu esaki cera. Na mes momento warda di polis ta haya un yamada y ta declara cu tin cuater homber bisti cu muts, den e cas biña banda di Citgo. Door di esaki ta manda patruya pa dicho establecimento. Patras di e edificio blauw cu e nomber “Daddy Cool” ta bin haya 3 hoben. Ora cu nan a wak patruya yega, nan a sali na careda. Patruya ta logra gara nan. A bay over na ristranan. Den e bushinan unda e hobennan tabata scondi a bin haya un camisa blauw, un cuchiu cu cabo preto, muts preto/bruin y un tas preto. En conexion cu esaki a bay over na detencion di e tres hobennan aki pa intento di atraco. Polis ta wordo acerca door di e melder cu ta bisa polisnan cu e di cuater persona involucra den e intento di atraco lo tabata tin un arma di candela cun’e. Polisnan a controla den bisindario, pero sin exito. E tres hobennan a presenta dilanti Fiscal Auxiliar cu a duna ordo pa nan detencion, pa mas investigacion.

Comments

comments