Diamars merdia habitantenan atendo di Hooiberg cu ta mira actividadnan sospechoso den bario contra un nissan sentra cu mas cu 3 homber aden na preto bisti cara tapa, a pone cu nan a raporta esaki di biaha na Central di Polis 100.
Por tuma nota cu criminalidad ta halto ultimo temporada aki principalmente den e prome luna di 2017 esta Januari esaki a aumenta y tin polisnan man yen. Esaki ta haci cu bisiñanan ta atento pa movecionnan stranõ di autonan cu ta keda dal basta buelta den bario y cu personanan cu nan no conoce.
Esaki a pasa na Hooiberg unda patruya di Santa Cruz y Arresta Team di Cuerpo Policial ta responde basta lihe pa yamadanan di movecionnan straño den bario. Cuerpo policial t’ey 24/7 pa brinda e servicio y e siguridad na comunidad cu cuatro districto y basta polis den servicio pa subi caya pa cualkier tipo di asistencia.
Bo mira cualkier novedad raro den bo bario, prome cos ta tuma nota di e number di auto, ki marca, color, e ta glas getint of no y asina raporta na 100 duna detayes completo asina polisnan riba caya tin mihor bista y por actua.