Polisnan ta detene chauffeur sin rijbewijs cu a resulta di ta ilegal

Durante un control di trafico, polis ta para un auto pa check su tur e papelnan ta na ordo. A resulta cu e chauffeur no tabata tin rijbewijs, cual ta violacion di e artikel 10 lid 1 juncto, artikel 21 di e Landsverordening Wegverkeer. Relaciona cu esaki a bay over na detencion di e chauffeur y a wordo presenta dilanti di Sub Fiscal pa despues wordo traslada pa Strandpolitie.

A bin resulta despues cu e chauffeur ta un homber di nacionalidad Venezolano cu a yega Aruba dia 9 di december 2017 y cu no ta den posesion di un permiso di estadia, cual ta violacion di artikel 19 lid a y b di Landsverordening, toelating, uitzetting en verwijdering. A avisa Guarda Nos Costa cu a bin busk’e pa asina hib’e na nan oficina pa sigui cu e procedura.

Comments

comments