Durante di un akshon di listramentu preventivo ku a tuma lugá den oranan di anochi di djabièrnè 27 di desèmber, a kontrolá presentenan na un total di shete (7) establesimentu di hóreka i tambe un grupo di hóben bou di un palu.
A konfiská kantidat di droga, artíkulo ku ta usa pa prepará droga pa benta, un machete i dos kuchú.
Durante di akshon di listramentu preventivo por listra tur hende ku ta move den e áreanan di riesgo di seguridat sin ku tin indikashon i/òf sospecho pa hasi esaki.
E áreanan indiká ta: un parti di Playa, un parti di Antriol Pabou, Antriol Pariba, Nikiboko, un parti di Nort Saliña i un parti di Tera Kòrá.
Bo embolbimentu ta esensial pa e efektividat di e medida aki. Bo tin informashon ku bo ke kompartí òf bo ke mèldu un situashon sospechoso? E ora ei tuma kontakto ku polis via 715 8000 òf via e liña di tep anónimo 9310.