E team di Polisnan motoriza di Cuerpo Policial tabata un biaha mas basta activo diabierna anochi pa diasabra marduga. Ta un di e teamnan cu bo ta wak tur caminda riba caya y pa tene controlnan den tur skina na Aruba. Nos por a tuma nota di controlnan severo tanto riba Sasakiweg, Tanki Leendert y mas caminda unda a tuma vehiculonan sin documento den beslag y asta chauffeurnan burachi deteni. Riba Sasakiweg tabatin un brommer no kier a para pa e Polis despues di a dune un señal y aki e oficial a core su tras te cu Palm Beach unda e brommer a drenta cura di cas. E doño di e cas a duna polis ordo pa drenta su cas debi cu e no conoce e persona di e brommer y asina a tuma e brommer den beslag. A tuma auto den beslag tambe pa documento cu no ta na ordo. Den area di Tanki Leendert por lo menos 4 chauffeur akeda deteni pa core bou influencia di alcohol unda a pasa e limite basta.