Diasabra atardi famianan a yega warda di polis pa asina entrega un denuncia cu nan ta haya falta di nan ser keri y no a haya conacto cune mas for di diabierna. Ta trata di e homber R.Dirksen naci na Aruba na 1968. Ultimo nan a wak e den area di Santa Cruz.
Diasabra den careda di 8 or anochi un persona ta raporta na polis cu a wak e auto di Dirksen den area di Hooiberg pa Piedra Plat. Patruyanan di Santa Cruz y Playa a mobilisa cu urgencia y riba e caminda di Piedra Plat a topa cu e auto y a pare. Den e auto tras di stuur tabatin e homber Dirksen, polis a papia cune y asina convence bay cune warda pa papia cune.
No a haya nada di arma den su auto, e tabata trankilo y cooperativo cu autoridad, e ta sintie poco fastioso unda e tin algun problema cu su pareha for di den siman. Na warda di Santa Cruz a yama slachtofferhulp pa asina papia cune.