Controlnan di Polis lo sigui durante e temporada druk di Pasco. Tur hende ta druk, tur hende kier yega trempan, pero ta sali laat, riba un rushi. Sr. Alex Pieters di Departamento Motorisa ta splica.
Tin reglanan cu mester mantene, pero tambe pa tene cuenta cu otro. Cuminsa duna otro un chance, paga tino ariba caminda. Tur hende tin nan cabes yen, cu shopping, preocupacionnan etc. Nos mente no ta multitask. Ora ta den trafico, paga tino kico tur ta topa ariba caminda. Vooral den temporada druk, paga tino pa hendenan cu ta crusa caya sin paga tino. Baha velocidad.
Den temporada druk, centro di ciudad ta bay ta mas druk, lo tin mas hende den cayanan di Aruba, muchanan inclui.
E controlnan di polsi lo focus tambe den siman, specialmente den areanan di restaurant y barnan, luganan caminda cu tin concentracion di hende, unda cu tin fiesta, etc. Te asina leu, Sr. Alex Pieters, di Departamento Motorisa di Cuerpo Policial.