Diamars marduga danki na actuacion rapido di polis di San Nicolas ta logra gara un ladron cu a drenta horta na Rey Hing supermarket na Pos Chikito. El a purba sali core pa polis pero polis a sali core su tras y gare mas pariba di e lugar. Tambe polis a haya un Honda Accord preto sospechoso para pariba di e lugar. Ora a bay listra e sospechoso a haya yabi di e auto den su poder y aki polis a tuma e Honda Accord den beslag pa mas investigacion. Patrol di seguridad y doño di e lugar tambe a presenta pa duna polis declaracion.