AMSTERDAM, Hulanda – Polis a bay den undercuver pa asina acumula prueba contra sospechosonan di un espectacular robo di diamante na Schiphol na 2005. Durante e robo, mas of menos un 72 miyon di Euro na diamante a wordo horta.
Diaranson esaki a wordo confirma durante e prome caso pro forma di e caso, despues di un relato den Het Parool.
Directo despues di e ladronicia, un gran parti di e botin a wordo haya den un auto di huida. E resto di e diamantenan horta (balor di 43 miyon euro) ainda ta perdi.
No mucho despues di e “heist”, dos sospechoso a wordo deteni, pero parce cu no tabata tin suficiente prueba pa por a persigui nan. Fuentenan rond di e investigaciont a meld na e corant cu Ministerio Publico a cuminsa cu un trayecto largo di undercover rond di un of mas di e sospechosonan.
WOD
Agentenan di e asina yama unidad Werken Onder Dekmantel (WOD) a purba di drenta den contacto cu e sospechosonan pa saca afo mas di e robo. Segun Het Parool no ta bay riba e sospechosonan principal, August B. y Erik P., pero riba sospechosonan cu supuestamente tabata menor den e caso aki.
E robo a tuma luga riba un 25 di Februari, riba e plataforma di carga B34 di e aeropuerto. E diamante y joyanan a wordo na e momento di robo, carga den un avion cu destino Antwerpen, Belgica.
Segun abogado, van B., Inez Weski, autoridadnan di investigacion cu e accion grandi undercover contra e sospechosonan, a ehecuta nan trabao descontrola y e rapotahe di esaki, no a trece suficiente base. “Mi ta pidi pa boso nenga e material aki,” el a bisa huesnan.
Gelok
Weski a pidi pa corte libera August B. Segun e abogado, su cliente a wordo gara a base di declaracionnan haci door di e co-sospechoso Ramazan N. (42) na agentenan undercover di WOD. E declaracionnan aki lo a wordo haci door di a lok’e, door di a acusi di manehonan criminal y despues pa soborn’e. “Pero riba buscamento di guera psicologico nos no ta mira nada den e compilacion di e accion di WOD,” Weski a splica.
Segun e abogado, e rapport no ta duidelijk. “No tin prueba, nada. Tur loke boso tin den boso man, ta frustracion.”
Weski a haya den su critica e otro cuater abogadonan den e caso na su banda. Nan tambe a pidi pa laga nan cliente liber.
Diaranson, Ministerio Publico lo dicta sentencia.
Marechaussee
Riba diabierna, 20 di Januari y diasabra, 21 di Januari, Koninklijke Marechaussee a detene un total di shete persona, den cuadro cu involvimento den robo di diamante y labamento di placa. E arestonan a tuma luga na Amsterdam y Valencia. Ta trata aki di cinco hende homber y dos hende muhe, di cual cinco ainda ta deteni.
Marechaussee mes a laga sa den un relato riba dia 21 di Januari cu a base di informacion nobo, e team di Crimen Organisa di Marechaussee, durante un tempo largo a haci un investigacion intensivo pa posibel sospechosonan y cu esaki a hiba na e arestonan.
Fuente: NU.nl