Diahuebs den careda di 11 or mainta un homber a yega subi un pickup di un compania di airco cu tabata staciona den e parkeer plaats di alhambra. Tabata un trahado cu a core haci un respondi lagando e pickup cendi pa algun seconde y un homber desconoci a yega subi esaki y cuminsa dal buelta.
E homber cu a horta e pickup a dal algun buelta na e rotonde banda di alhambra, y e trahado a intenta di bula riba e pickup pero tabata envano. Asina via di GPS gerencia a sigui e pickup te cu area di Bushiri.
E pickup a staciona dilanti un negoshi, un Polis di K9 unit cerca a yega di biaha den e area y topa cu e pickup y e sospechoso na dje. El a detene di biaha pa a horta auto di un negoshi. Mas patruya a yega y a reconoce e sospechoso como un persona conoci cu no tin cas y ta un problematico pa caya. Tur cos na e pickup tabata intacto. E gerencia di e compania di airco a acudi na e sitio pa entrega denuncia. E sospechoso a keda transporta pa warda.
