LONDON, Gran Bretaña- Polisnan arma a responde na un atake terorista tirando un cantidad di rond sin precedente riba tres atacantenan ya cu polis a kere cu nan tabata tin fahanan suicidia bisti.
Ocho oficial a tira 50 biaha riba e tres atacantenan pa sigura cu nan tabata neutralisa, segun Mark Rowley, asistente di comisario pa operacionnan specialisa di e Servicio Policial Metropolitano.
Despues a resulta cu e fahanan suicida tabata falso. Polisnan ta uzando e hipotesis cu e atacantenan a uza e fahanan deliberadamente pa sigura cu nan lo wordo mata. Rowley a bisa di ta sorprendi di e respuesta oficial.
Shete persona a muri y 48 mas a wordo herida ora cu tres homber den un van a pasa esaki ariba e peatonnan prome cu nan a bula afo di e van y lansa un atake di hincamento den varios bar y restaurant.
Prome Minister Britanico Theresa May a bisa cu tin demasiado tolerancia di extremistanan Islamico na Gran Bretaña y na mes momenta a hura di reprimi esaki den cuadro di e di tres atake terorista cu ta tuma luga na Gran Bretaña.
Polis a aresta 12 persona diadomingo despues di a haci varios razzia na Barking, oost di London. Polis a confirma tambe cu 36 persona ta den hospital, di cual 21 di nan ta den condicionnan critico.
Rowley a describi e escena cu polisnan a hayanan confronta cun’e ora cu nan a yega na Borough Market diasabra anochi y splica e motibo cu nan a tira 50 ronda di bala.
Rowley a rindi tributo tambe na e polis di trafico cu a core bay ariba e asaltantenan arma cu solamente su baston.
Tambe el a confirma cu un miembro di e publico a haya un herida di bala durante e tiroteo, pero cu e ta for di peliger.
Fuente: www.cnn.com