Dialuna mainta habitantenan atento di Pos Abou a capta movecion straño di un versa unda dos homber a drenta den un cas y despues bay. A informa autoridad y aki polisnan atento riba caya tabata buscando e auto. Riba caminda di Solito a topa cu e versa y a duna e chauffeur señal pa para pero a nenga di para pa polis. A start un persecucion y durante y huida e sospechoso a dal den un pickup y sigui bay. Mas patruya a yega pa asina blokia e auto aki y nan a subi veld di criket pa huy y polis a gara un y e otro a core bay direccion Dakota y riba Avenida Milo Croes a gara e otro sospechoso. E auto a keda tuma den beslag.