Diaranson marduga den area di Oranjestad Polis a logra topa cu un hyundai van blanco cu a keda horta den area di ex bushiri hotel ora cu e chauffeur lo a baha laga yabi den auto y un persona a bay cu esaki. Di biaha e patruya a cende zwaailight y sirena pa e chauffeur para pero a nenga y a cuminsa trot. Asina a start un persecucion y a solicita mas unidad.
Esaki a bay te cu rotonde Airport pa despues bin bek abou y termina na e gallero cu tin na Bushiri. Ey nan e chauffeur a core baha for di e auto y na pia a core bay pa e casnan di pueblo, polis a baha di biaha for di auto y a start un persecucion e ora na pia. Na un di e flatnan a logra gara e sospechoso kier a bay sconde na cas. Asina a detene pero el a intenta di resisti algun biaha y polis a mande vloer pa asina e por keda trankilo te ora cu e transportwagen a presenta bay cune. E van a keda tuma den beslag pa recherche haci nan investigacion.