Dia 9 di April, 12 or di merdia e temporada di campamento a cumisa. Vocero di Polis Sra. Liliana Rasmijn ta splica riba e prome dia di campamento cu e cuminsa.
Mirando e dagrapport, unda tabata tin un incidente chikito, pero el a keda resolvi. E aña aki tabata tin 233 permiso cu a wordo pidi, un aumento di 21 permiso. E area di San Nicolas a subi, mirando esaki y compara cu Noord, caminda el a keda casi mesun cos.
Na costa Norte a subi cu 3 peticion. Di trempan caba hendenan sa, unda nan ta bay campa y nan por yega arma nan tentnan. Tambe den e area di Alto Vista, unda tin e ranchonan, tambe a haya vergunning, esunnan cu tabata tin e ranchonan den bon estado.
Ta basta regla tin, y segun aña ta bay ta purba drechanan. Un di e reglanan ta cu no mag di tin bbq ariba e santo blanco y mester ta cu gas y no carbon. Dia 23 cu ta ultimo dia di campamento, pa mescos cu a bin arma e luga pa campa, pa por favor lag’e manera cu a hay’e.
Tur dia polisnan lo controla, ta pidi pa pone e vergunning visibel, tambe ken ta responsabel. E problema di tur aña, ta cu tin hende ta pidi vergunning pa cierto cantidad di tent, pero ta surpasa esaki.
Pa loke ta muchanan chikito, dor cu nan ta proefia, bandi lama, pa tin afspraak traha cu bo yuinan, pa ora nan bay bandi lama, pa tin un hende grandi cu nan, pa ta responsabel pa nan. Asina Sra. Liliana Rasmijn, vocero di polis a splica.