NAIROBI, Kenya- Polis y manifestantenan ta enfrenta otro diahuebs den e bastionnan di oposicion, manera Kisumu, Siaya o Homa Bay (west) y den barionan marginal di Nairobi manera Kibera o Mathare. Esaki ta den una jornada electoral boycotia pa e principal formacion opositor y su siguidonan.
A pesar di cu e lider di e Super Alianza Nacional (NASA), Raila Odinga, diaranson a pidi su siguidonan pa nan keda cas, algun di nan a lanta baricada pa evita cu e materialnan di votacion yega na e colegionan electoral. Forsanan di siguridad a responde cu gasnan lacrimogeno, tironan den laira y trucknan di awa.
Kenya ta celebra eleccionnan presidencial diahuebs, cual ta un repeticion di esun anterior, cu a wordo gana door di Kenyatta pero cu a wordo anula despues door di e Tribunal Supremo, door di iregularidadnan cometi durante e proceso. Aunke cu oposicion ta nenga di participa door cu e Comision Federal no a haci e reformanan cu nan ta consdidera necesario pa un eleccion creibel.
Kenyatta, cu a deposita su voto den e localidad di Gatundu, a condena e atakenan contra di e miembronan di e Comision Electoral. El a haci un apelacion na e “madurez democratico” di e ciudadanonan pa pidinan pa bay vota y asina permiti pa e pais sali padilanti.
Fuente: https://www.efe.com/