E accidente, hit & run cu a tuma luga den oranan di anochi, dia 3 di maart, despues di parada di Carnaval na Playa, ainda polisnan ta bezig cu e caso.
Sr Lito Lacle splica cu te ainda no tin dato di di ken e auto cu a dal e señora ta, y tampoco ken tabata e chauffeur cu a haci e acto di cobardia aki. P’esey Cuerpo Policial ta haci apelacion un biaha mas na e pueblo pa cualkier informacion, pa tuma contacto cu polisnan Sophia, Meyer y Croes, of tiplijn 11141.
E persona cu a dal e señora y sigui core bay, esaki ta un acto castigabel. E señora ta malo na hospital, den situacion grave y si cualkier persona cu por a wak algo, of cu ta pensa cu tal auto lo por tabata envolvi den esaki, por fabor tuma contacto cu polisnan.
https://www.facebook.com/masnoticia/videos/259829908299648/
Cuerpo Policial no tin den su man pa pone zebrapad, iluminacion, polsinan drumi, esey ta na beurt di DOW. E caso aki, segun Sra. Liliana Rasmijn, ainda ta bou di investigacion. Na esunnan cu a wak algo, a pasa e señora voorbij, esunnan cu a pasa e señora voorbij, tambe por tuma contacto cu polis.
E auto cu a dal e señora tabata un Nissan Tiida, cualke hende cu ta sospecha di un auto asina cu pa basta dia no ta para mas, tuma contacto cu Cuerpo Policial. E condicion di e señora ta critico, pero stabiel. Ainda e señora ta luchando pa su bida. Polis ta haci un apelacion un biaha mas, pa esun cu sa di algo, pa por fabor, bay na un di e warda di polis, yama warda di polis, pa asina duna cualkier informacion cu por ta balioso pa haya e persona cu a dal e señora aki.