Diahuebs madruga, polis a tene control riba varios establecimento nocturno, pa loke ta ceramento. Pa mas of menos 3’or di madruga, patruya di Noord a bay cerca di Olde Molen, den cuadro cu dicho actividad. A bin topa cu e homber FP, cu tabata haci moeilijk, pasobra e no tabata di acuerdo cu a bin cera Molen, mirando cu riba e mesun ora, un ora prome, koffiehuis Craft y Señor Frogs ainda tabata habri y segun e cabayero, nada no a wordo haci. Hasta ora cu patruya a core pasa voorbij. Polis a purba di splica un ke otro y laga sa bon cla cu nan no tabata sa cu Señor Frogs mester a cera mas tempran. Polis a mira si cu Craft a keda habri ainda pa 1’or y 45 di madgura y cu ainda tabata tin musica cu cliente sinta paden. Un trahado a wordo avisa di esaki. Na Olde Molen FP a bira bruto y a reta polis. E tabata kier a no coopera na prome instante y no cera Olde Molen. Polis a atende cun’e basta formal y a advirtie cu e lo wordo atendi riba esaki si e resisti pa cera dicho localidad. Mientras tanto algun bouncer a bin cerca, entre nan e homber E., kende a purba di intimida polis. Pa siguridad a manda mas unidad na e sitio. Polis a papia cu FP un biaha mas riba esaki, calmando e, di manera cu el a cera Olde Molen. Por rato despues a bay na “Lekker” pa asina cere. E propiedatio P. tambe a bin acerca y a papia cun’e. El a comparti su opinion mescos cu su partner den negoshi. Finalmente e ceramento a bay basta soepel y sin mas incidente.
- Latest
